د پوهنې له ډګره د ځينو ولایتي خبرونو لنډیز

پروان
د پروان ولایت جبل سراج ولسوالۍ اړوند د ګذرپایان ښوونځي بیارغونې چارې د ۱۰۰ زره افغانیو په لګښت د ځایی خلکو په مالي ملاتړ سره پیل شوې. چې له دې جملې څخه ۶۰ زره افغانۍ د یو همکار بنسټ او ۴۰ زره افغانۍ د یو تن علم پرور شخصیت ښاغلي عبدالله شمس لخوا ورکړل شوې دي.
۰ همدارنګه، د پروان ولایت پوهنې ریاست د جبل سراج ولسوالۍ خالد بن ولید (رضی الله عنه) منځني ښوونځي د زدهکوونکو، ښوونکو، مدیرانو او د علمي شورا غړو لپاره یو علمي کنفرانس جوړ کړ.
پکتیکا
د پکتیکا ولایت ارګون ولسوالۍ د سرخت عالي لېسې لپاره د څښاک پاکو اوبو شبکه د ځایی خلکو لخوا د ۴۰ زره افغانیو په لګښت جوړه او فعاله شوه.
میدان وردګ
د میدان وردګ ولایت سید آباد ولسوالۍ د تنګي په سیمه کې د امام ابو حنیفه (رحمة الله علیه) عالي لېسې زدهکوونکو څخه د "تعلیم الاسلام" مضمون ازموینه واخیستل شوه، چې موخه یې ځوانان له اسلامي زدهکړو سره اشناکول دي.