د پوهنې وزارت د استخدام رئیس بغلان ولایت ته رسمي سفر وکړ
پوهنې وزارت د استخدام رئیس مولوي محمد صادق «صدیقي» بغلان ولایت ته د خپل رسمي سفر په ترڅ کې، د یاد ولایت د ښوونځیو اداري، تدريسي او ښوونیز چاپېریال له نیږدې څخه وارزاوه. همدارنګه نوموړي د یاد ولایت له پوهنې رئیس الحاج مولوي محمد نور عزیزي سره په ګډه، د خوست ولسوالۍ له قرغن،ګردنی تل،گنجک، پلفی، میان شهر او ملا عبدالودود ښوونځيو څخه لیدنه وکړه او د یادو ښوونیزو بنسټونو د تعلیمي وضعیت ارزولو ترڅنګ یې، مسئولینو ته لازمې لارښوونې وکړې او هغوی یې خپلو اساسي مسئولیتونو ته متوجې کړل. د پوهنې وزارت د استخدام رئیس د اړونده چارواکو ستونزې واورېدې او په حل کې یې د همکارۍ ژمنه وکړه. په ورته مهال د پوهنې سیمه ییزو مسئولینو د پوهنې وزارت د استخدام ریاست پلاوي ته ښه راغلاست ووایه او څرګنده یې کړه، چې د مشرتابه د لارښوونو په رڼا کې به خپلې ورځنۍ چارې په پوره لېوالتیا پر مخ وړي.
