د پوهنې وزارت محترم سرپرست د کابل ښار حبیبیې عالي لېسې له څلورنیم میاشتنیو آزموینو څخه لیدنه وکړه
د افغانستان.ا.ا. د پوهنې وزارت سرپرست محترم الحاج مولوي حبیب الله آغا، په داسې حال کې چې د یاد وزارت یو شمېر کارپوهانو، د کابل ښار پوهنې رئیس قاري عبدالباسط حقاني او یو شمېر نورو چارواکو یې ملتیا کوله، د حبیبیې عالي لېسې له څلورنیم میاشتنیو آزموینو څخه لیدنه وکړه.
د پوهنې وزارت سرپرست له اوومې تعلیمي حوزې مسئولینو سره تر ناستې وروسته، حبیبیې لېسې ته لاړ او د یاد ښوونځي د مسئولینو، استادانو او زدهکوونکو لهخوا له تود هرکلي سره مخامخ شو.
په پيل کې نوموړي د آزموینو جریان وڅاره او د زدهکوونکو د ازموینو پارچې یې هم له نږدې وکتلې.
د پوهنې وزارت محترم سرپرست ښوونکو ته سپارښتنه وکړه، چې د ارزونو پر مهال دې د زدهکوونکو وړتیا، استعداد او لیاقت ته جدي پاملرنه وکړي او هغوی دې په اسلامي او ملي روحیې سره وروزي.
همداراز نوموړي زدهکوونکي د علم او پوهې ترلاسه کولو ته وهڅول او ټینګار یې وکړ چې زدهکوونکي باید درسونه یوازې د آزموینې لپاره نه، بلکې د خپلې علمي کچې لوړولو لپاره ولولي، تر څو د هېواد او ټولنې روښانه راتلونکې لپاره مؤثر خدمتګاران شي.
