د پکتیا له پوهنې ریاست څخه خبرونه
د پکتيا ولايت د پوهنې رئيس مولوي عبدالوکيل خالد په دغه ولايت کې د يوې خصوصي لېسې اداري او تدريسي چارې وڅېړلې، د يادې لېسې د فعاليتونو او نوښتونو په باب يې خوشي څرګنده کړه او د يادې لېسې مدير او استادان يې وهڅول، ترڅو د یادې لیسې د ښوونیز کیفیت د ښه والي په باب لا زیاتې هڅې وکړي.
د پکتیا پوهنې ریاست د تعلیمي څارنې غړو د احمد آباد ولسوالۍ د سلام خېلو لېسې له تدریسي او اداري چارو څخه د څارنې ترڅنګ د نورو ښوونیزو چارو د څېړلو او همدارنګه د زده کوونکو د احصایوي معلوماتو د ترلاسه کولو او نورو مهمو خدمتونو د وړاندې کولو په موخه څارنه وکړه.
د میرزکي ولسوالۍ د تعلیمي څارنې غړو د خپل ترتیب شوي کاري پلان سره سم د ګرامي او ځګو لومړنيو ښوونځیو له اداري او تدریسي چارو څخه څارنه وکړه او د یادو ښوونځیو ښوونکو ته یې د معیاري درسي میتودونو په برخه کې روزنیزه هم ورکړه.
د ګردیز ښار د پوهنې آمر مولوي فضل الرحمن فاروق او ورسره مل پلاوي د پيرباغ د نجونو مدرسې له فعاليتونو څخه څارنه وکړه.
د پکتیا پوهنې ریاست د تعلیمي څارنې کارکوونکو په دغه ولایت کې د یوه خصوصي عالي لېسې اداري او تدریسي چارې وڅېړلې، مسوولینو ته یې د اداري او تدریسي چارو د ښه والي په موخه لازمې سپارښتنې وکړې او ترڅنګ یې له مسوولینو څخه وغوښتل، چې خپل ټول ښوونیز فعالیتونه د پوهنې وزارت د اصولو او طرزالعملونو سره سم پرمخ یوسي.
