له مرکز او ولایتونو څخه د پوهنې لنډ خبرونه.

media-moe
سه‌شنبه ۱۴۰۱/۹/۸ - ۱۳:۳۸
فشرده اخبار فعالیت های معارف در ولایات

بلخ:
د بلخ ولايت د پوهنې آمر مولوي زړګی فيضاني له يوه پلاوي سره د خواجه عکاشا منځني ښوونځي ته د ازموينې او نورو چارو د کتنې په موخه لاړ او د يادې ښوونځي مسوولينو، ښوونکو او زده کوونکو ته يې لازمې لارښوونې وکړې.
کندهار:
د کندهار ولایت د ښاري حوزې آمر مولوي محمد عثمان روحاني د دغه ولایت له یو شمېر ښاري ښوونځیو څخه لیدنه وکړه.
په دې ليدنه کې د يادې سيمې د ښوونځيو مسوولينو خپلې ستونزې او وړانديزونه یې د کندهار د پوهنې آمر ته وړاندې کړل او د حل غوښتنه يې وکړه، چې د ښاغلي روحاني له لوري ومنل شوه.
جوزجان:
د قرقین ولسوالۍ د پوهنې آمر ملا فیض الله عمري د دې ولسوالۍ د ښوونځیو له زده کوونکو سره په کتنه کې له هغوی وغوښتل چې د ژمي په رخصتیو کې دې مدارسو او ښوونیزو کورسونو ته لاړ شي او د علم په حاصلولو کې دې لا زیاتې هڅې وکړي.
نیمروز
د فروخي او عبدالرحمن لالا لېسو د لوبډلو ترمنځ د کرکټ سيالۍ ترسره شوې، چې د فروخي لېسې لوبډلې اتلولي وګټله.

د نيمروز ولايت د بدني روزنې عمومي مدیرعبدالمجيد بيدار وويل چې د ورزشي سياليو د ترسره کولو موخه د ښوونځيو په کچه د ورزش وده ورکول دي.
لغمان:
د لغمان ولایت د پوهنې رئیس مولوي شاه جهان ساجد د دغه ولایت د الیشنګ ولسوالۍ د نجیل کلي د ښوونځي د بیارغونې له چارو څخه لیدنه وکړه.
نوموړی د کارونو پرمختګ ښه وګاڼه او ويې ويل: ډېر ژر به د دغه ښوونځي د بيارغونې چارې بشپړې او ګټې اخيستنې ته به وسپارل شي.

تازه خبرونه

یکشنبه ۱۴۰۲/۱۲/۶ - ۱۴:۲
Background image

د هېواد په يو شمېر ولايتونو کې د ديني مدارسو د زده کوونکو فراغت غونډې تر سره شوې

په ارزګان ولایت کې د سعادة العمریة او الفرقانیة له دارالعلومونو، کندهار ولایت کې د خالد بن ولید (رضي الله عنه) له مدرسې او په خوست ولایت کې له جامعة مدینة مدرسې څخه لسګونه حافظان او ط. . .

یکشنبه ۱۴۰۲/۱۲/۶ - ۱۳:۳۴
Background image

د ځينو ولایتونو له پوهنې ډګره د خبرونو لنډيز

نیمروز، ارزګان او لوګر:

د پوهنې وزارت د ساینس مرکز ریاست پلاوی نیمروز، ارزګان او لوګر ولایتونو ته په رسمي سفر تللی او د یادو ولایتونو د پوهنې له رئیسانو او مشرانو سره یې د لیدنې پر. . .

یکشنبه ۱۴۰۲/۱۲/۶ - ۱۳:۲۹
Background image

په جوزجان ولايت کې یو باب ښوونځی پرانیستل شو

د جوزجان ولایت خواجه دوکوه ولسوالۍ اړوند په چوغان کلي کې، یو باب لومړنی ښوونځی د یو لړ مراسمو په ترڅ کې د پوهنې رئیس، علماوو، قومي مخورو او د سیمې د خلکو په ګډون پرانیستل شو.

د یاد. . .

BACK TO NEWS