په زابل ولایت کې د یو باب ښوونځي د نوې ودانۍ بنسټ کېښودل شو
د زابل ولایت نوبهار ولسوالۍ اړوند د «لورهګي منځني ښوونځي» د نوې ودانۍ بنسټ ډبره کېښودل شوه.
د یاد ولایت پوهنې مسوولینو په وینا؛ دغه ودانۍ پر څلور جریبه وقف شوې ځمکه جوړېږي او د سیمې د اوسېدونکو په مالي ملاتړ رغول کېږي، چې دغه تعمیر به پنځه درسي ټولګي او یوه اداري خونه ولري.
همدارنګه ویل شوي چې د ودانۍ جوړولو او د ځمکې د بیې ټولټال اټکلیز لګښت شاوخوا ۵۰۰ زره افغانۍ دی او په جوړېدو سره به یې نږدې ۲۰۰ تنو زدهکوونکو ته مناسب تعلیمي چاپېریال برابر شي.
