په غزني ولایت کې د یو باب دیني مدرسې د بنسټ ډبره کېښودل شوه
د غزني ولایت مقر ولسوالۍ اړوند په اصغر خېل کلي کې د يو باب دیني مدرسې لپاره د بنسټ ډبره، د یاد ولایت د پوهنې ریاست مشرتابه، دیني علماوو او قومي مخورو په حضور کې کېښودل شوه.
د ياد ولايت د پوهنې رياست مسئولينو وویل: د رحيميه ديني مدرسه په يو جرېب ځمکه کې د مقر ولسوالۍ د پوهنې د يو تن مينه وال له لوري کېښودل شوه.
دغه دراز هغوی زياته کړه، چې دغه ديني مدرسه ۴ درسي ټولګي او يوه اداري خونه لري، چې د ۵ مېليونه افغانيو په لګښت سره به د خلکو په مالي ملاتړ جوړه شي.
ورپسې دیني علماوو هم د اسلام له نظره د علومو په ارزښت خبرې وکړې او د پوهنې وزارت له پروګرامونو او پلانونو یې خپل مادي او معنوي ملاتړ اعلان کړ.
د پوهنې وزارت مشرتابه له ښوونيز نظام سره د خلکو د مرستو له امله مننه او قدرداني کوي.
