په هرات ولایت کې د ۴ مېلیونه افغانیو څخه په زیات لګښت د ۸ بابه ښوونځیو بیارغونې کارونه بشپړ شول
د هرات ولایت په ګذره او زیرکوه ولسوالیو کې د ۸ بابه ښوونځیو بیارغونې او ترمیم چارې، د یوې همکارې ادارې په ملاتړ د ۴ مېلیونه او ۴۸۰ زره افغانیو څخه په زیات لګښت بشپړې او په رسمي ډول بیاځلې ګټې اخیستنې ته وسپارل شوې.
د هرات ولایت پوهنې رئیس محترم مولوي رحمت الله جابر، د یادو ښوونځیو بیارغونې په مراسمو کې وویل چې، د دغو پروژو په بشپړېدلو سره د پورته ذکر شویو ښوونځیو اساسي ودانیزې ستونزې حل او د زدهکوونکو لپاره یې مناسب ښوونیز چاپېریال برابر شو.
همدارنګه نوموړي ټینګار وکړ چې په راتلونکي کې به د ښوونځیو د زیربناوو رغولو او په مرکز او ولسوالیو کې د سالم او خوندي تعلیمي چاپېریال برابرولو لپاره هڅې دوام ولري.
