په هلمند ولایت کې د څه کم ۳۵۰ زره ډالرو په لګښت د یو ښوونځي نوې ودانۍ پرانیستل شوه
د هلمند ولایت پوهنې ریاست، د ښوونیزو چوپړتیاوو پراخولو او ماشومانو ته د زدهکړې پراخ لاسرسي په موخه، په قلعهبُست ولسوالۍ کې د ۳۴۴ زره ډالرو په لګښت د خاري ښوونځي یوه نوې ودانۍ جوړه او ګټې اخیستنې ته وسپارله.
یاده ودانۍ د یوې تعلیمي همکارې ادارې په مالي مرسته جوړه شوې، چې له ټولو اړینو اسانتیاوو سره ۱۶ درسي خونې لري.
د همدغې ودانۍ د پرانیستې په مراسمو کې، د یاد ولایت پوهنې رئیس محترم الحاج مولوي محمد عوض انصاري په ټولنه کې د زدهکړې پر اهمیت، د ودانۍ د دوامداره او مناسبې کارونې او د تعلیمي پروسې د پیاوړتیا پر اړتیا ټینګار وکړ.
