په ۳ ولایتونو کې د څه باندې ۲۰۰ مېلیونه افغانیو په لګښت د ښوونیزو مرکزونو د رغونې او ترمیم پروژې پلي کېږي
د پوهنې وزارت د ودانیو او ملکیتونو د ساتنې او مراقبت رئیس محترم مولوي سمیع الحق حماس په وینا؛ د یادې ریاست د پلان او د پوهنې وزارت محترم مشرتابه د پرېکړې سره سم، د همدغې ادارې د انجنیرانو یوه ډله پکتیکا، غزني او میدان وردګ ولایتونو ته واستول شوه، ترڅو د تعلیمي مرکزونو د ساختماني پروژو (جوړولو او بیارغونې) له پروسې څارنه وکړي.
۱- په پکتیکا ولایت کې، د اسلامي ا.مارت له بودیجې څخه د ۶۶ مېلیون ۷۸۲ زره ۶۶۳ افغانیو په ټولیز لګښت چې د یوې ودانیزې پروژې لګښت یې ۱۱ مېلیونه ۴۶۹ زره ۷۳۹ افغانۍ و او د همکارو ادارو لخوا تمویل شوی و او ۵ نورې ساختماني پروژې د ځایي خلکو په مالي مرسته بشپړې شوې یا تر کار لاندې دي.
۲- په غزني ولایت کې، د اسلامي ا.مارت له بودیجې څخه د ۹ مېلیونه ۱۳۳ زره ۹۱۰ افغانیو په ټولیز لګښت ۶ د بیارغونې پروژې او ۴ ودانیزې پروژې روانې دي، چې د رغونې لګښت یې د سیمې خلکو لخوا ورکول کېږي.
۳- په میدان وردګ ولایت کې، د تعلیمي ادارو د بیارغونې ۱۱ پروژې روانې دي، چې لګښت یې ۵ مېلیونه ۶۹۳زره ۳۱۵ افغانۍ دی او د اسلامي ا.مارت له بودیجې څخه ورکول کېږي او ۵۲ د بیارغونې پروژې چې تمویل کوونکي یې همکارې ادارې دي، په ټولیز ډول ۱۱۹ مېلیونه ۷۲۷ زره ۳۵۷ افغانۍ لګښت لري.
نوموړي وویل: د پوهنې وزارت ډاډ ورکوي چې په دوامداره توګه ښوونې او روزنې ته د ماشومانو لاسرسي لپاره لاډېرې اسانتیاوې برابرې کړي.
