د پوهنې وزارت سرپرست وزیر د فرانسې د (AFTENPOSTEN) ورځپاڼې د ژورنالیستانو پوښتنو ته ځوابونه وویل
د پوهنې وزارت سرپرست وزیر شیخ مولوي نورالله منیر صاحب په خپل کاري دفتر کې د فرانسې د (AFTENPOSTEN) ورځپاڼې ددووتنوژورنالیستانوآغلې(HANNE CELILIE CHRISTIANSEN) اوآغلې (MONICA STROMDAHL) پوښتنو ته ځوابونه وویل.
د نوموړیو ژورنالیستانو پوښتنې تر ډېره بریده د هیواد په تعلیمي بهیر، د نجونو په زده کړو او اسلامي حجاب را څرخېدلې.
محترم وزیر صاحب د خپلو ځوابونو په ترڅ کې د هیواد په روان تعلیمي وضعیت لنډه رڼا واچوله او زیاته یې کړه، چې اسلامي امارت د دیني او ملي ارزښتونو په چوکاټ کې د نجونو او میرمنو تعلیم ته ژمن دی.نوموړي د یوې بلې پوښتنې په ځواب کې وویل، چې حجاب د اسلام مقدس دین له اصولو څخه یو مهم اصل دی او اسلامي امارت د خپل شرعي مسئولیت په بنسټ میرمنو ته د حجاب سپارښتنه کړېده.
نوموړي زیاته کړه، چې غربي ټولنه او افغانستان په فرهنګي لحاظ یو له بل سره زیات توپیرونه لري، نو ځکه باید په زیاترو تعاملاتو کې یاد توپیرونه په نظر کې ونیول شي او هر قضاوت د افغاني ټولنې شرایطو، ظرفیتونواو واقعیتونو ته په پام سره وشي.
