د فراه او بلخ له پوهنې ریاستونو څخه خبرونه
بلخ
د بلخ ولایت د پوهنې ریاست د ساینس عمومي مدیر عبدالجبار واحدي د میرغلام محمد ربیع لېسې د لابراتوار له ټولګي څخه څارنه وکړه او ښوونکو او زده کوونکو ته یې د لابراتواري وسایلو د سمې استفادې په باب لازمې لارښوونې وکړې.
په یو بل خبر کې راځي
د دهدادي ولسوالۍ د پوهنې آمر قاري محمد ادریس سدید د دې آمریت د تعلیمي څارنې له غړو سره د شیخ آباد عالي لېسې له تدریسي او اداري چارو څخه څارنه وکړه او د یادې لېسې مسوولینو ته یې لازمې لارښوونې وکړې.
د يو بل خبر له مخې: د دهدادي ولسوالۍ د پوهنې آمر د دې آمریت د تعلیمي څارنې له غړو سره یو ځای د شهيد بلخي لېسې له اداري او تدريسي چارو څخه څارنه وکړه.
فراه
د فراه ولايت د پوهنې رئيس مولوي اختر محمد زعيم د ياد ریاست د بېلابېلو شعبو له اداري چارو څخه ليدنه وکړه او له آمرینو او مديرانو سره يې د ليدنې پر مهال د مامورينو د کاري نظم په رعایتولو او له دولتي وسایلو څخه د سمې ګټې اخیستنې او له مراجعینو سره د ښه چلند پر دوام ټينګار وکړ.
فراه
د فراه ولايت د ښاري حوزې آمر مولوي محمد قاسم معتصم او ورسره پلاوي د خصوصي ښوونځيو له اداري او درسي فعاليتونو څخه څارنه وکړه او هغوى ته يې لارښوونه وکړه چې خپلې چارې د پوهنې وزارت له طرزالعملونو سره سم پرمخ یوسي.
