د هېواد په یو شمېر ولایتونو کې د "ساینس ستوري" سیالۍ ترسره شوې
د پوهنې وزارت د ساینس مرکز د پروګرام له مخې او د ولایتونو د پوهنې ریاستونو سره په همغږۍ د خوست، بدخشان، بامیان، پکتیا، ننګرهار، کاپیسا او دایکنډي ولایتونو د مرکز او ولسوالیو د ښوونځیو زده کوونکو ترمنځ د "ساینس ستوري" سیالۍ په لاره واچول شوې.
د یادو ولایتونو د پوهنې مسئولینو وویل، چې د دغو سیالیو له پیلولو یې موخه، د استعدادونو وده او د زده کوونکو هڅول دي، چې زده کړې وکړي او خپلې علمي پوهې ته لاپسې پراختیا ورکړي.
په دغو سیالیو کې ممتازو زده کوونکو ته د یادو ولایتونو د پوهنې ریاست له خوا ډالۍ ورکړل شوي دي.
