د ولایتونو پوهنې خبرونو ته کتنه
- پکتیکا
د پوهنې وزارت کارپوهانو له لوري، د پکتیکا ولایت د مرکز او ولسوالیو پوهنې آمریتونو ۵۰ تنو کارکوونکو لپاره د ادارې او مدیریت ۶ ورځنی ورکشاپ پیل شو.
د یاد ولایت پوهنې رئیس مولوي عبدالوکیل خالد، دغه ورکشاپ د پوهنې کارکوونکو د اداري او مسلکي مهارتونو لاښه والي لپاره ګټور وباله.
- همدارنګه د پکتیکا ولایت پوهنې مسئولینو په یوه خبرپاڼه کې راپور ورکړی، چې د یاد ولایت د سروبي ولسوالۍ پوهنې مسئولینو او خصوصي روغتیایي سکټورونو ترمنځ د لاسلیک شوي هوکړه لیک له مخې، د دې ولسوالۍ ښوونکي او زده کونکي کولی شي، د پکتیکا په خصوصي روغتیایي مرکزونو کې له ۳۰، ۵۰ او۱۰۰ سلنې تخفیف څخه ګټه پورته کړي.
- سمنګان:
د خصوصي مدارسو او ښوونځیو د مسئولینو وړتیا لوړولو لپاره یو ورځنی روزنیز سیمینار؛ د سمنګان ولایت پوهنې ریاست لخوا د مدیریتي کړنو لاښه کولو او د اجرائیوي او اداري چارو په برخه کې د چارواکو د پوهاوي کچې لوړولو په موخه پرانیستل شو.
- پکتیا:
د پوهنې وزارت کارپوهانو لخوا د پکتیا ولایت د مرکز او ولسوالیو د پوهنې آمریتونو کارکوونکو لپاره " اداره او غوره مدیریت" تر سرلیک لاندې ورکشاپ پیل شو او ټاکل شوې ده، چې د ۶ ورځو لپاره به دوام ولري.
