د پوهنې وزارت د دعوت او ارشاد ریاست له کړنو «اوونیز راپور»
د پوهنې وزارت د دعوت او ارشاد د رئیس مولوي جمعه خان "سروري" په لارښوونه، د یاد ریاست مسئولینو تېره اوونۍ د کابل ښار لومړۍ، دویمي او شپږمې تعلیمي ناحیو د ۲۵ بابه خصوصي ښوونځیو له مدیرانو سره په کتنه کې، د پوهني وزارت د مقام له هدایت سره سم د اسلامي اصولو او افغاني دودونو په چوکاټ کې د یونیفورم په تړاو لازمې سپارښتني وکړې.
د یادو تعلیمي مرکزونو مسئولینو په پوره خوښۍ سره له دغو سپارښتنو څخه هرکلی وکړ او دا یې د خپلو زده کوونکو لپاره یو تر ټولو مهم او مثبت ګام وباله.
دغه راز د تېرې اوونۍ پر مهال د پوهنې وزارت د مرکزي هستې ټولو کارکوونکو ته د دیني درسونو لړۍ په نورمال ډول روانه وه.
همدارنګه د کابل ښار او د ولایتونو له پوهنې ریاستونو څخه لاس ته راغلي راپورونه ښیي چې؛
په تېره اوونۍ کې له ټاکل شوي مهالوېش سره سم د ښوونبزو مرکزونو منسوبینو ته دیني درسونو دوام درلود. لکه؛ د پخوا په څېر په مرکزي هسته کې د یو شمېر ریاستونو د کارکوونکو حال له نږدې وارزول شو او هغوی ته لازمې توصیې وشوې.
