د پوهنې وزارت د ودانیو د ساتنې او مراقبت رئیس هرات ولایت ته ولاړ
د پوهنې وزارت د ودانیو د ساتنې او مراقبت د رئیس مولوي سمیع الحق حماس په مشرۍ، د پوهنې او د کډوالو او راستنېدونکو چارو وزارتونو یو ګډ پلاوي هرات ولایت ته د خپل رسمي سفر په ترڅ کې، د یاد ولایت له پوهنې رئیس مولوي رحمت الله جابر سره بحث او خبرې اترې وکړې.
د پوهنې وزارت د ودانیو د ساتنې او مراقبت رئیس وویل: هرات ولایت ته د پلاوي د سفر اساسي موخه، هېواد ته د راستنېدونکو کډوالو ماشومانو د وضعیت او په هغه ولایت کې د ودانیزو او ترمیمي پروژو څېړنه ده.
ورپسې د هرات ولایت پوهنې رئیس د پلاوي له ورتګ څخه هرکلی وکړ او د خپل اړوند ریاست له خوا یې د بشپړې همکارۍ ډاډ ورکړ.
