ارزګان ولایت کې د ښوونکو مسلکي ظرفیت لوړولو ورکشاپ پیل شو
د ارزګان ولایت پوهنې ریاست د ولایت په مرکز ترینکوټ ښار کې د ساینس او ریاضياتو ښوونکو د مسلکي وړتیاوو لوړولو لپاره شپږ ورځنی ورکشاپ پیل کړ.
یاد شپږ ورځنی ورکشاپ، چې د فزیک، کیمیا، بیولوژي، چاپېریال او ریاضي ښوونکو لپاره یو نظري او عملي ورکشاپ دی، د هغو مراسمو په ترڅ کې پرانیستل شو چې د پوهنې چارواکو پکې ګډون کړی و او مسئولینو د ورکشاپونو اهمیت او د پوهنې په بهیر کې د نويو تدریسي مېتودونو کارولو په اړه په پراخه کچه خبرې وکړې.
