دبغلان ولايت پوهنې رييس له يوشمير تعليمي بنسټونو څخه ليدنه وکړه

بغلان پوهنې رئیس مولوی محمد نور عزیزي د ښوونکو روزنې، نسوان معدن ښوونځي، شهیرعزیزي خصوصي ښوونځي او په یاد ولایت کې د یونیسف موسسې لخوا جوړ شوی سمينار، کویډ ١٩ او د (A.L.C)خصوصي ښوونیز کورس څخه لیدنه وکړه.
په دې کتنه کې دبغلان پوهنې رييس له ښوونکو او زده کوونکو سره په ټولنه کې د ښوونې او روزنې په ارزښت علمي خبرې وکړې، زده کوونکې یی د هېواد علمي پانګه او راتلونکي جوړونکي وبلل.
هغه پر هېوادالوا غږ وکړ چې په خپل ټول توان سره خپلو دیني او عصري زده کړو ته دوام ورکړي.
نوموړي همدا رنګه ښوونکو ته سپارښتنه وکړه، چې له جوړ شوی پلان پرته ټولګي ته داخل نه شي او زده کوونکو ته د باکيفيته زده کړو په برابرولو کې جدي هڅې وکړي.
همداراز مولوی محمد نور عزیزی  د ښوونځيو له ښځينه ښوونکو څخه وغوښتل، چې د اسلام سپیڅلي دین اصولو او ارزښتونو ته په پام سره اسلامي حجاب ته جدي پاملرنه وکړي، څو د نورو ښځينه زده کوونکو لپاره يوه نمونه وګرځي.
په پای کې د پوهنې رئیس د ښوونکو او زده کوونکو ستونزې او وړاندیزونه هم واورېدل او د حل په برخه کې یې د همکارۍ ژمنه وکړه.