د پوهنې وزارت د ر هبري او نیز مجلس دائر شو
د پوهنې وزارت د مقام په دفتر کې د یاد وزارت د سرپرست وزیر شیخ القرآن والحدیث الحاج مولوي نورالله (منیر) صاحب تر مشري لاندې د رهبري مجلس دائر شو.
په دې مجلس کې چې د پوهنې وزارت د سرچینو او ادارې معینیت معین شیخ القرآن والحدیث مولوي سعیداحمد شهیدخیل صاحب، د ښوونې او روزنې معین الحاج مولوي سخاء الله سعید صاحب، د کیفیت د تضمین د معینیت معین الحاج مولوي عبدالخالق صادق صاحب، د دفتر لوی رئیس مولوي عبدالحکیم همت اخندزاده صاحب،د نشراتو او عامه اړیکو رئیس مولوي عزیزاحمد(ریان) برخه درلوده، د ځینو مهمو موضوعاتو په اړه تفصیلي بحثونه او پریکړې وشوې. په یاد مجلس کې د دیني مدارسو او دارالحفاظونو د کلنیو مشترکو امتحاناتو د پروسې د تنظیم لپاره د اسلامي تعلیماتو معینیت تر اشراف لاندې یو لوړ رتبه هیئت وټاکل شو. همدارنګه پریکړه وشوه چې د ژمي له کلنیو رخصتیو څخه په استفادې سره به د هیواد په مرکز او ولایاتو کې د ښوونکو د روزنې د ریاست تر اشراف لاندې د ښوونکو د تدریسي ظرفیتونو د لوړولو لپاره سیمینارونه دائریږي . همدارنګه فیصله وشوه چې د تعلیمي نظام تمویلوونکي موسسات او خیریه ټولنې به هڅول کېږي ترڅو خپلې نیمګړې تعلیمي پروژې په پوره اطمینان سره بشپړې کړي او هم به یادو مؤسساتو ته لارښوونه کېږي ترڅو خپل ټول پروګرامونه د پوهنې له وزارت سره په تفاهم او هم غږي کې پلي کړي .
غونډه د دعائیې په لوستلو سره پای ته ورسیده .
