د افغانستان لپاره د یونیسکو تعلیمي مسئولینو میرمن سارا ایل عطار او میرمن پرنیان وحیدي د پوهنې وزارت له سرپرست وزیر سره وکتل

media-moe
پنجشنبه ۱۴۰۱/۱/۲۵ - ۱۳:۳۷
123
د چهارشنبې په ورځ (۱۲/۹/۱۴۴۳هـ ق-۲۴/۱/۱۴۰۱هـ ش )  د افغانستان لپاره د یونیسکو  تعلیمي مسئولینو اغلې سارا ایل عطار(Sarah El Attar) او اغلې پرنیان وحیدي(Parniyan Wahedi)  د پوهنې وزارت  له سرپرست وزیر شیخ القرآن والحدیث الحاج مولوي نورالله منیر صاحب  سره د یاد وزارت د مقام په دفتر کې وکتل.
د ملاقات  په پیل کې محترم وزیر صاحب لومړی راغلیو میلمنو ته ښه راغلاست ووایه او د یونیسکو له سازمان څخه یې مننه وکړه، چې همېشه یې  په تعلیمي او فرهنګي ډګرونو کې له افغانستان سره نه هیریدونکې مرستې کړېدي.
وروسته د افغانستان لپاره د یونیسکو تعلیمي مسئولې  اغلې  سارا ایل عطار(Sarah El Attar) د خپلو خبرو په ترڅ کې څرګنده کړه، چې دوی غواړي د افغانستان په ګوټ ګوټ کې د پوهنې وزارت تر اشراف او نظارت لاندې د افغانانو لپاره د لیک او لوست د زده کړې پروګرامونه شروع کړي. اغلې سارا  زیاته کړه، چې دا له ۲۳ کلونو راهیسې په افغانستان کې فعالیت کوي او ورته معلومه شوېده، چې افغانان د  غوره  استعدادونو درلودونکي دي او مونږ غواړو چې د دوی  استعدادونو ته نوره هم وده ورکړو.
محترم وزیر صاحب د خپلو خبرو په ترڅ کې یوځل بیا د یونیسکو سازمان له تعلیمي مسئولینو څخه مننه وکړه او زیاته یې کړه ، چې د پوهنې وزات د یاد سازمان له هر ډول تعلیمي پروګرامونو سره موافق دی او چمتووالی لري، چې د یوه هوکړه لیک تر لاسلیک کېدلو وروسته یاد سازمان ته په رسمي ډول اجازه ورکړي، چې د افغانانو دلیک لوست لپاره فعالیت او خدمت پیل کړي.
د مجلس په پای کې پرېکړه وشوه، چې د هوکړه لیک د متن د ترتیب او پر یوه کاري میکانیزم باندې توافق ته د رسیدلو لپاره به په راتلونکې کې د پوهنې وزارت او یونیسکو سازمان د تخنیکي ټیمونو تر منځ ناستې ترسره کېږي.
 

تازه خبرونه

چهارشنبه ۱۴۰۱/۴/۱۵ - ۱۵:۷
Background image

د افغانستان لپاره د UNHCR  مسئول  د پوهنې وزارت له سرپرست وزیر سره وکتل

د افغانستان لپاره د مهاجرینو د عالي کمیشنرۍ( UNHCR)مسئول ښاغلي لیونارد زولو(Leonard Zulu) د پوهنې وزارت له سرپرست وزیر محترم شیخ مولوي نورالله منیر سره وکتل .
په یاده لیدنه کې ښاغلي. . .

سه‌شنبه ۱۴۰۱/۴/۱۴ - ۱۴:۵۶
Background image

د پوهنې وزارت  اونیز اداري مجلس  دایر شو

د پوهنې وزارت (۳۹) ګڼه اونیز اداري مجلس د یاد وزارت د سرپرست وزیر شیخ مولوي نورالله منیر په مشري،په داسي حال کې چې د یاد وزارت معینانو او مرکزي رئیسانوپکې ګډون درلود، دایرشو.
یاد مجلس. . .

سه‌شنبه ۱۴۰۱/۴/۱۴ - ۹:۵۹
Background image

د پوهنې وزارت با صلاحیته پلاوی د هرات ولایت ته ورسید

د پوهنې وزارت د مالي او حسابداري  ریاست  د رئیس محترم مفتي عزت الله نوري په مشري، د یاد وزارت تخنیکي پلاوی د تیرې پنجشنبې په ورځ د هرات ولایت ته ورسید. یاد پلاوی چې په ترکیب کې یې د. . .

BACK TO NEWS