د سرپل ولایت د پوهنې ریاست نوې ودانۍ پرانیستل شوه
د پوهنې وزارت، سرپل: د سرپل ولایت د پوهنې ریاست نوې ودانۍ د یو لړ مراسمو په ترڅ کې د ولایت والي عبدالقادر اشنا، د پوهنې رییس احمد خان بیګزاده، د ولایتي شورا یو شمیر غړو، دولتي چارواکو، قومي مخورو او د پوهنې کارکوونکو لخوا دپټۍ په پریکولو سره پرانیستل شوه.
د سرپل والي، عبدالقادر اشنا د پوهنې ریاست د کړونو څخه یي مننه وکړه او وویل: معارف د یو هیواد د ملا تیر حیثیت لري، نوموړي زیاته کړه نور به د پوهنې کارکوونکي د ځای د کموالي له امله له ستونزو سره مخ نه شي او د مراجعینو لپاره یې دغوره خدمتونو پر اړتیا ټینګار وکړ.
د سرپل د پوهنې رییس احمد خان بیګزاده د ولایت د مقام د هراړخیزې همکارۍ له امله مننه وکړه او زیاته یې کړه چې د پوهنې ریاست ودانۍ يه پاخه او اساسي ډول په ۴ پوړنو کې د هندوستان هیود په مالي مرسته د ۲۱ میلیونو افغانیو په مجموعي لګښت جوړ شوی، چې ۲۸ اداري خونې او نور اړینې آسانتیاوي لري، چې د یادي ودانی په جوړولو سره، د پوهنې ریاست د کارکوونکو ستونزې د اداري خونو د نشتوالي له امله حل شي.
