د غور ولایت پوهنې ریاست د ترسره شو کړنو او فعالیتونو کلنې راپور له رسنیو سره شریک کړ
د پوهنې وزارت، غور: د غور پوهنې ریاست ملت د دولت د حساب ورکولو په برنامه کې د ۱۳۹۹ کال کاري راپور د یاد ولایت د سیمه ایزو چارواکو، د دولتي ادارو رئیسانو، د مدني ټولنې غړو، د رسنیواستازو او د دې ولایت دیو شمیر اوسیدونکو په ګډون ملت ته دیوې خبري ناستي په ترځ کې وړاندې کړ.
د غور ولایت والي نورمحمد کهنورد څرګنده کړه چې د دې غونډې د ترسره کولو موخه خلکو ته د دولتي ادارو دندو او فعالیتونو څخه خبرول دې.
د غور والي زیاته کړه چې د کووید ۱۹ ناروغې او کورونا ویروس د خپریدو له ستونزو سربیره، د غور ولایت د پوهنې ریاست د خپلو وړاندیز شویو برنامو د پلي کولو لپاره په ۱۳۹۹ مالي کال کې د پام وړ لاسته راوړنې لري.
ورپسې د غور د پوهنې ریاست په استازیتوب د ښوونکي د روزنې رئیس استاد راحله رحماني زاده د دې ریاست دندې او فعالیتونه وړاندې کړل.
پوهاند رحماني زاده زیاته کړه، چې د پوهنې سکتور په غور ولایت کې په خدماتو وړاندې کولو کې یو له خورا بریالي سکتور څخه و، کوم چې پدې وروستیو کلونو کې د دې ولایت د پوهنې کیفیت ښه کولو لپاره مثبت ګامونه پورته کړي او په غور کې یې ښې لاسته راوړنې درلودې.
استاد رحمانی زاده همدارنګه زیاته کړه چې سږکال د غور د پوهنې ریاست انکشافي بودیجه ۹۶ سلنه او د دې ریاست عادي بودیجه ۹۲ سلنه مصرف شوي د هغې په وینا، د ښوونځیو د ودانیو جوړول، د یو شمیر ښوونیز بنسټونو لپاره د ځمکې برابرول، ښوونځیو ته د ماشومانو شاملول، د ښوونکو ګمارنه او د یو شمیر ښوونځیو ارتقا په ۱۳۹۹ کال کې د غور د پوهنې ریاست لاسته راوړنې وې.
د ښوونکو د روزنې رئیسي زیاته کړه چې د غور پوهنې ریاست ټولو خلکو ته یو شان ښوونیز لاسرسي او په دغه ولایت کې د پوهنې کیفیت لوړولو لپاره هڅې کړي او تل یې په دې برخه کې مؤثر ګامونه اخیستي دي.
نوموړي د پوهنې وضعیت ښه کولو لپاره په خلکو غږ وکړ چې د پوهنې ریاست سره چې په ټولنه کې د ملا د تیر حیثیت لري، پوره همکاري وکړي.
په ورته وخت کې، هر کال په ټول هیواد کې د دولتي ادارو مسوولین د خلکو د عامه پوهاوي کچې د لوړولو په موخه د خپلو ادارو کړنې او فعالیتونو دیوې غونډې په ترڅ کې وړاندې کوي.
