د بدخشان ولایت پوهنې ریاست له ۷ مېلیون افغانیو څخه زیات مالي عواید راټول کړې دي
د بدخشان ولایت پوهنې ریاست په یوه مطبوعاتي اعلامیه کې ویلي چې: د ۱۴۰۳ لمریز کال په اوږدو کې، په ټولیزه توګه ۷ مېلیونه او ۱۰۰ زره افغانۍ د شهادتنامو د وېش له لارې راټولې او د وزارت بانکي حساب ته سپارل شوې دي.
د پوهنې ریاست چارواکي دا لاسته راوړنه د روڼتیا، حساب ورکونې او د کارکوونکو د اغېزمن فعالیت نښه ګڼي او وايي چې یاده اداره د مالي شفافیت او اغېزمن مدیریت سربېره، د تعلیمي خدماتو کیفیت لاښه کولو ته ژمنه ده.
