د فراه ولایت ښوونکو ته د کرونا وايروس واکسين لګولو لړۍ پیل شوه.
د پوهنې وزارت، فراه: د فراه ولايت د پوهنې ریاست کارکوونکو او ښوونکو ته د کرونا وايروس واکسين لګول د یاد ولایت د عامي روغتيا رياست په همکارۍ پيل شو.
د پوهنې رئیس وحیدالله شیرانی د فراه ولایت د عامې روغتیا له ریاست څخه په مننې سره، د ياد واکسين په لګولو خوښي وښوده، د پوهنې رياست له کارکوونکو او ښوونکو يې وغوښتل چې دا فرصت (واکسين) له لاسه ورنه کړي او له کرونا ناروغۍ څخه ځان او خپله کورنۍ خوندي وساتي.
د فراه ولایت د عامې روغتیا رئیس، د کرونا وایروس پر وړاندې مبارزه کې د یاد ولایت د پوهنې ریاست د مشرتابه له مرستو او همکاریو مننه وکړه، د یاد واکسین په ګټورتوب وغږیده او له لګولو وروسته، د احتمالي زیانونو په اړه یې خلکو ته ډاد ورکړ.
