د میدان وردګ ولایت په عمر ولي لېسه کې دوه درسي خونې ګټې اخیستنې ته وسپارل شوې
د پوهنې له سپېڅلې کاروان سره د خلکو د مرستو په لړ کې دا ځل د میدان وردګ ولایت د سیدآباد ولسوالۍ اوسېدونکو په خپل شخصي لګښت د عمر ولي په لېسه کې دوه درسي خونې جوړې او ګټې اخیستنې ته وسپارل شوې.
پر یادو درسي خونو شاوخوا ۱۳۰ زره افغانۍ لګښت راغلی، چې د سېمي د خلکو له لوري ورکړل شوي دي.
د یاد لېسې آمر د سیدآباد ولسوالۍ د خلکو له نیک احساس څخه د مننې په ترڅ کې وویل چې د یادو درسي خونو د جوړولو چارې د دې لېسې د ښوونکو او زده کوونکو په مرسته بشپړه شوې.
په پای کې د میدان وردګ ولایت د پوهنې رئیس د دې ولسوالۍ د اوسېدونکو او د ښوونځي د کارکوونکو له دې نیک اقدام څخه ستاینه وکړه او دا یې د پوهنې سره د دوی د مینې یوه غوره بېلګه وبلله.
