د ننګرهار د پوهنې رئیس د دغه ولایت د سړو سیمو ولسوالیو د پوهنې له مسؤلینو سره کاري ناسته وکړه
د ننګرهار ولایت د سړو سیمو ولسوالیو د پوهنې آمرینو غونډه د نویو تعلیمي او اداري پلانونو د طرحې او مسوولینو ته د وړاندیز شویو پروګرامونو د پلي کولو په موخه د پوهنې وزارت له مقرراتو سره سم په ۱۴۰۱ لمریز تعلیمی کال کې، پداسې حال کې چی د دغه ولايت د پوهنې رياست مرستيالانو او مهمو مسوولينو هم حضور درلود جوړه شوو.
په پیل کې آمرینو خپل مفصل کاري راپور د پوهنې ریاست مشرتابه ته وړاندې کړ او ورپسې د پوهنې رئیس په مهمو اداري او تدریسي موضوعاتو لکه ښوونځي ته د وړ ماشومانو د جذب، د بښنې او مشروطي ازموینې اخیستل د قانون له مخې
، پر وخت زده کوونکو ته د درسي کتابونو ویش، د دیني مدرسو څارنه او د نوي ښوونیز کال په اړوند په نورو اړوندو موضوعاتو هم خبرې وکړې او لازمې لارښوونې وشوې.
د غونډي په پائ کې، آمرینو او مسؤلینو ژمنه وکړه چې د یادې کاري ناستې پرېکړې به عملي کوي.
