د نورستان له پوهنې ریاست څخه خبرونه

media-moe
سه‌شنبه ۱۴۰۱/۱۲/۲۳ - ۱۳:۳۰
یسبلا

ابرار موسسې په نورستان ولایت کې د یونیسف د سیمه ییز دفتر په مالي مرسته د دغه ولایت په مرکز او کامدیش او نورګرام ولسوالیو کې تر خپل کنترول لاندې د سیمه ییزو او چټکو ټولګیو د ۳۰۰ نویو ګمارل شویو ښوونکو لپاره ۱۴ ورځنی میتودیک سیمینار جوړ کړ.
 د نورستان د پوهنې رئیس مولوي تاج محمد مطمین د دغه ولایت له مرستندویو ادارو څخه د مننې ترڅنګ د یاد ولایت خلکو ته ډاډ ورکړ، چې د پوهنې وزارت د پروګرامونو په پلي کولو کې به جدي هڅې وکړي، ترڅو د دغه ولایت د پوهنې وضعیت ښه شي.

د نورستان ولایت د نورګرام ولسوالۍ د پوهنې آمر له خپلو کارکوونکو سره غونډه وکړه او له هغوی سره یې د دندې په جریان کې د کاري اصولو او مقرراتو د مراعتولو په باب خبرې وکړې او له هغوی یې وغوښتل چې د ماشومانو د زده کړې په برخه کې هیڅ ډول هڅې ونه سپموي.
له بلې خوا د غونډې ګډونوالو د خپلو دندو د ترسره کولو د ژمنې ترڅنګ خپلې ستونزې یې هم د یادې ولسوالۍ د پوهنې له آمر سره شریکې کړې.

د نورستان ولایت د پوهنې رئیس مولوي تاج محمد مطمین د دې ولایت د "واما" ولسوالۍ له ولسوال مولوي مصباح الدین حیدري سره وکتل او په دې ولسوالۍ کې یې د ښوونیزو پروګرامونو په باب معلومات ورکړل او په دې برخه کې یې د مرستو غوښتنه وکړه.
 د واما ولسوال په خپلو خبرو کې په دې ولسوالۍ کې د پوهنې د ستونزو په حل کې د هر ډول مرستو ژمنه هم وکړه.

د نورستان ولایت د پوهنې رئیس د دغه ریاست له کارکوونکو سره په اداري غونډه کې د دغه ولایت د پوهنې په برخه کې د لاسته راوړنو او ننګونو په باب خبرې وکړې او له هغوی یې وغوښتل چې د پوهنې د ودې او پرمختګ په موخه خپل نوي نظریات د پوهنې ریاست مشرتابه ته وسپاري.
 
د شپول موسسې مشر عاشق الله صافي د نورستان ولایت د پوهنې له رئیس مولوي تاج محمد مطمین سره وکتل او په دغه ولایت کې یې د پوهنې په برخه کې د مرستو او ګډو کاري پروګرامونو په باب خبرې وکړې.
د پوهنې رئيس د يادې شوې موسسې له مرستو څخه د مننې ترڅنګ ژمنه وکړه، چې د هر ډول ښوونیزو فعاليتونو په برخه کې به له دوی سره همکاري کوي.

تازه خبرونه

پنجشنبه ۱۴۰۴/۶/۶ - ۱۲:۳۲
Background image

د ولایتونو له پوهنې څو خبرونه

هرات

د یوې همکارې تعلیمي ادارې په ملاتړ د هرات ولایت زنده جان ولسوالۍ اړوند د میمیزک ښوونځي سره د ۱۲۰ زره افغانیو مرسته شوې ده.

په دې مرسته کې یو پایه کمپیوټر، تعلیمي کڅوړې او د څښاک. . .

پنجشنبه ۱۴۰۴/۶/۶ - ۱۱:۷
Background image

د نشه‌يي توکو کمولو ملي کمېټې سره د پوهنې وزارت د سواد زده کړې ریاست فعالیتونه

د اسلامي.ا.مارت عالي مقام د هدایت پر بنسټ، د نشه يي توکو کمولو ملي کمېټه تاسیس شوه، چې د پوهنې وزارت هم د دې کمېټې د سواد زده‌کړې څانګې غړی دی.

د هېواد ټولټال ۱۲ رسمي ادارې د دې کمېټې. . .

پنجشنبه ۱۴۰۴/۶/۶ - ۱۱:۴
Background image

د بدخشان ولایت د یو باب لېسې لپاره احاطوي دېوال جوړولو پروژه بشپړه شوه

د بدخشان ولایت یاوان ولسوالۍ د زو لېسې احاطوي دېوال رغولو کارونه په پاخه او اساسي بڼه بشپړ شول.

یاد دېوال چې د پورته ذکر شوي کلي د خیرخواه خلکو په صادقانه همکارۍ بشپړ شوی، ۹۰ متره. . .

BACK TO NEWS