د هلمند مرکزي د نجونو له لیسې څخه ۲۵۸ زده کوونکي فارغ شول
د پوهنې وزارت_هلمند: د هلمند پوهنې ریاست اړوند د مرکزي د نجونو لیسې څخه ۲۵۸ زده کوونکي تر دولس کلنو زده کړو وروسته فارغ او د فراغت سندونه ورکول شول.
په جوړه شوي غونډه کي د هلمند پوهنې رئیس تر څنګ د بُست پوهنتون مالي او اداري مرستیال، د مرکزي د نجونو د لیسې مدیرې، ښوونکو او زده کوونکو برخه درلودله.
د غونډي پر مهال د هلمند پوهنې رئیس محمد داؤد شاه صفاري فارغ شویو زده کوونکو ته د دولس کلني بریالۍ دورې فراغت مبارکي وویله او زیاته یې کړه، چي پر همدې زده کړو باندي بسنه ونه کړي د خپلي خوښي سره سم لوړي زده کړي.
صفاري د ټولو کورنیو څخه غوښتنه وکړه چي د خپلو اولادونو د فراغت په مراسیمو کي د هغوی لا تشویق په موخه برخه واخلي او همدا راز دي د خپلو اولادونو پوښتنه په ښوونځۍ کې وخت پر وخت ترسره کړي تر څو د زده کوونکو پر زده کړو مثبت تاثر واچوي.
د یادوني وړ ده چي د هلمند پوهنې ریاست او بُست پوهنتون د هوکړه لیک سره سم د ښوونځیو فراغت غونډو مالي برخه او فارغ زده کوونکو ته ډالۍ د بُست پوهنتون په مالي مرسته ورکول شوې.
