د هلمند پوهنې ریاست له لوري د لاس مینځلو نړیواله ورځ ولمانځل شوه

media-moe
شنبه ۱۳۹۹/۷/۲۶ - ۹:۲۴
د هلمند پوهنې ریاست له لوري د لاس مینځلو نړیواله ورځ ولمانځل شوه

د پوهنې وزارت_هلمند: د هلمند پوهنې ریاست اړوند د روغتیا مدیریت له لوري او د یونسیف موسیسې په همکارۍ د لاس مینځلو نړیواله ورځ ولمانځل شوه.

د لاس مینځلو په جوړه شوې غونډه کي د هلمند پوهنې رئیس محمد داود شاه صفاری، د عامي روغتیا او حج او اوقافو ریاست استازو، د بي ټو ون ښوونځۍ اداري شورا غړو، ښوونکو او زده کوونکو پکې برخه درلوده.

د غونډې په پېل کې د هلمند پوهنې رئیس محمد داؤد شاه صفاري د پوهنې وزارت سرپرستې وزیرې آغلې رنګینه حمیدي پیغام ولوست او تر څنګ یې د لاس مینځلو په اړه بیلابیلي سپارښتني وکړې.

ښاغلي صفاري د زده کوونکو غوښتل چې د لاس مینځل دې د دود په څیر تر خپلو کورنیو او ټولني پوري ورسوي تر څو د لاس مینځلو لړۍ تر هر هلمندي وګړي پوري ورسیږي.

د هلمند پوهنې رئیس د لاس مینځلو تر څنګ د پولیو، فولیک اسید او البیندازول په برخه کې د عامه پوهاوي غوښتنه وکړه تر څو راتلونکی نسل د پرتو بدبختیو څخه په امن کې پاتي شي.

همدارنګه د عامي روغتیا ریاست استازي صدیق الله قانع وویل چي د لاس مینځل دي ټول زده کوونکي د دود په شکل وکاروي تر څو په ورځني ژوند کې د ناروغیو څخه وژغورل شي.

قانع همداراز وویل چي د ډوډۍ له خوړلو مخکي او وروسته د تشناب څخه تر وتلو وروسته په ورځني ژوند کي په بیلابیلو وختونو کې لاسونه په اوبو او صابون ومینځي.

د یادوني وړ ده چي هلمند کي د پوهنې ریاست د روغتیا مدیریت له لوري هر کال د لاس مینځلو نړیواله ورځ لمانځل کیږي.

تازه خبرونه

سه‌شنبه ۱۳۹۹/۸/۶ - ۸:۴۱
Background image

په تخار ولایت کې د دیني مدرسو زده کونکو ترمنځ علمي او حقوقي سیالۍ پیل شوې

د پوهنې وزارت_تخار: د تخار ولایت د پوهنې ریاست د اسلامي تعلیماتو د آمریت په نوښت، د اسلام دین او د هیواد د نافذه قوانینو له نظره د ښځو د حقونو تر سرلیک لاندې د دیني مدرسو زده کونکو. . .

دوشنبه ۱۳۹۹/۸/۵ - ۱۴:۳۲
Background image

د هرات د ښوونځیو له زده کوونکو سره د قرطاسیې مرسته وشوه

د پوهنې وزارت_هرات: د هرات ولایت د پوهنې ریاست سره د ښه نیت لرونکو خلکو او اشخاصو د دوستانه مرستو په دوام، نبی الرحمه خیریه بنسټ د دې ولایت د ښوونځیو بیوزلو زده کونکو سره مرسته وکړه.

د. . .

دوشنبه ۱۳۹۹/۸/۵ - ۱۳:۲۹
Background image

پکتیا کې د یو ښوونځي د جوړېدو چارې پیل شوې

د پوهنې وزارت_پکتیا: د پکتیا ولایت د زرمت ولسوالۍ اړوند د شاه کاریز منځني ښوونځي د ودانۍ د بنسټ ډبره د پوهنې رییس، د ښار جوړونې او ځمکو ریس انجنیر رحیم افعان او یو شمیر چارواکو په ګډون. . .

BACK TO NEWS