د ولایتونو پوهنې اړوند څو لنډ خبرونه
هلمند
په هلمند ولایت کې له ۷۰ تنو هغو افغان زدهکوونکو څخه چې تازه له کډوالۍ راستانه شوي، د تعلیمي سویې د تثبیت ازموینه واخیستل شوه.
د پوهنې مسئولینو وویل، له علمي ارزونې وروسته به دغه زدهکوونکي د خپلو تعلیمي وړتیاوو له مخې اړوندو ټولګیو کې شامل شي.
غزني
په غزني ولایت کې، د قرهباغ ولسوالۍ اړوند د «شهید عبدالرحمن» دیني مدرسې د ودانۍ جوړولو لپاره یو جریب ځمکه د سیمې د یوه سوداګر محترم حاجي جیلاني له لوري وقف شوې ده، چې ارزښت یې له یو مېلیون افغانیو څخه زیات اټکل شوی.
لوګر
د یو مرستندویه بنسټ له خوا په لوګر ولایت کې د ۲۹۰ بابه ښوونځیو ښوونکو او زدهکوونکو لپاره، د حفظالصحې د مراعاتولو او د ناروغیو او انتاناتو د مخنیوي په موخه ۴۱ زره ۳۲۸ کلچې صابون مرسته ترسره شوه.
