د ولایتونو پوهنې خبرونو ته کتنه
هلمند
د هلمند ولایت پوهنې ریاست له ۲۰۰ تنو داوطلبانو څخه، د دیني مدارسو لپاره د ښوونکو رقابتي آزموینه واخیسته.
پنجشېر
د پنجشېر ولايت پوهنې رياست د یاد ولايت د اسلامي زده کړو اړوندو ٣٤ بستونو ډکولو په موخه، له ٩٩ تنو نوماندانو څخه آزموينه واخيسته.
بدخشان
د بدخشان ولایت پوهنې ریاست مسئولینو، د یاد ولایت په یو شمېر ښوونځیو کې د زده کوونکو د والدینو شوراګانو کړنې وڅارلې.
کابل
د کابل ښار پوهنې رئیس قاري عبدالباسط حقاني د ملالۍ لېسې له تدریسي بهیر څخه څارنه وکړه او د یادې لېسې ښوونکو ته یې د تدریسي کیفیت په لوړوالي او د زده کوونکو پر سالمه روزنه ټینګار وکړ.
ننګرهار
د ننګرهار ولایت پوهنې رئیس مفتي حبیب حضرت حقاني، د یاد ولایت په جلال آباد ښار او خوګیاڼیو ولسوالۍ کې د یو شمېر ښوونځیو اداري او تدریسي چارې له نیږدې وکتلې.
