د پوهنې وزارت د تشکیلاتو رئیس بغلان ولایت ته رسمي سفر وکړ
د پوهنې وزارت د تشکیلاتو رئیس مفتي عبدالحلیم حلیمي او ورسره مل پلاوی، د یو لړ رسمي چارو د ترسره کولو او د پوهنې ریاست له مسئولینو سره د لیدنې په موخه بغلان ولایت ته ولاړ.
نوموړي د یاد سفر پر مهال، د بغلان ولایت له پوهنې رئیس الحاج مولوي محمد نور عزیزي او د یاد ریاست له یو شمېر نورو مهمو مسئولینو سره په کتنه کې، د دغه ولایت د ښوونیزو ستونزو په اړه تفصیلي خبرې وکړې.
د پوهنې وزارت د تشکیلاتو رئیس بغلان ولایت ته د خپل سفر موخه، د تازه ګمارل شوو کارکوونکو د کاري وړتیاوو لوړول او د تازه ګمارل شویو کارکوونکو د کاري وړتیاوو لوړلو لپاره د درې ورځني ورکشاپ تنظیمول وبلل.
له بلې خوا د ياد ولايت د پوهنې رئيس ورغلي پلاوي ته ښه راغلاست ووايه او د آجنډا په پلي کولو کې يې د همکارۍ ژمنه وکړه.
