د پوهنې وزارت د مالي او حسابداري ریاست د کارکوونکو لپاره د وړتیا لوړونې سیمینار جوړ شو
د پوهنې وزارت د مالي او حسابداري ریاست له خوا، د یاد وزارت د کارکوونکو لپاره د وړتیا لوړونې سیمینار جوړ شو.
د یاد سیمینار پرانیسته د الهي سپېڅلي کلام د څو مبارکو آیتونو په تلاوت سره پیل شوه، ورپسې د پوهنې وزارت مالي او حسابداري رئیس مولوي صدرالدین سعد، د مسلکي زده کړو د اهمیت په برخه کې خبرې وکړې او زیاته یې کړه، یاد سیمینار به ۱۲ ورځې دوام وکړي او د روزونکو له لوري به د مالي، ادارې، حسابداري او د معاشونو د اجراآتو په برخو کې ګډون والو ته مسلکي روزنه ورکړل شي.
دغه راز نوموړي د سیمینار له ګډون والو وغوښتل، تر څو په اداري برخه کې د پوهاوي او روزنې د کچې د لوړولو په موخه، له ورکړل شویو فرصتونو څخه ښه ګټه پورته کړي او هغه څه چې زده کړي یې دي، له نورو سره هم شریک کړي.
ګډون والو هم د مسلکي وړتیاوو لوړولو په برخه کې دا ډول پروګراونه اغېزمن وبلل او د پوهنې وزارت له مشرتابه یې مننه وکړه چې د دوی د وړتیا لوړولو لپاره یې د زده کړو آسانتیا برابره کړې ده.
