د پوهنې وزارت سرپرستې د ترکیې د ښوونې او روزنې بنسټ له چارواکو سره وکتل
د پوهنې وزارت، کابل: د پوهنې وزارت سرپرستې آغلې رنګینه حمیدي، د ترکیې د ځوانانو چارو وزارت سلاکار آغلې سلیم جراح، د ترکیې د ښوونې او روزنې بنسټ مرستیال ښاغلي جاهد دیمیرجي او په افغانستان کې د ترکیې د ښوونې د بنسټ رییس ښاغلي شاکر وایوت سره په خپل کاري دفتر کې وکتل.
په دغه غونډه کې، دواړو لوریو د ښوونځیو پراختیا، ظرفیت لوړولو او د تعلیمي ادارو پیاوړتیا په څرنګوالي بحث وکړ.
د ترکیې د ځوانانو چارو وزارت سلاکار او د ښوونې او روزنې بنسټ معاون، سلیم جراح د دې وزارت له مشرتابه څخه خوښي څرګنده کړه او زیاته یې کړه: که څه هم د کوید ١٩ ویروس د دوی د بنسټ پر فعالیتونو منفي اغیز کړی او د دوی ځینې برنامې یې له خنډ او ځنډ سره مخ کړې دي خو د دغه ننګونو په ختمیدو سره به د تیر په شان د خپلو نویو برنامو او د دې وزارت د لومړیتوبونو په پام کې نیولو سره به د ښوونې او روزنې په برخه کې د پوهنې وزارت تر څنګ ولاړ وي.
د پوهنې وزارت سرپرستې آغلې رنګینه حمیدي په افغانستان کې د ښوونې او روزنې په برخه کې د ترکیې د دوستانه همکارۍ له امله مننه وکړه او د افغان زده کونکو په ځانګړي ډول د نجونو لپاره يې د تحصیلي بورسونو غوښتنه وکړه.
