د کابل ولایت پوهنې نوی رئیس معرفي شو

media-moe
سه‌شنبه ۱۴۰۴/۵/۲۱ - ۱۴:۵۲
asda\z

د پوهنې وزارت د کیفیت تضمین د معین محترم الحاج مولوي عبدالخالق صادق له خوا، د یو لړ مراسمو په ترڅ کې، محترم الحاج مولوي عبدالسلام شعیب د کابل ولایت پوهنې نوي رئیس په توګه په رسمي ډول د یادې ادارې کارکوونکو ته وروپېژندل شو.

په دې مراسمو کې د کابل ولایت پوهنې ریاست د چارواکو او منسوبینو سربېره، یو شمېر علماءکرامو، د کابل ولایت د څوارلس ګونو ولسوالیو پوهنې آمرینو او د خلکو استازو ګډون درلود.

په پیل کې د پوهنې وزارت محترم معین، د کابل ولایت د پوهنې پخواني رئیس، محترم الحاج مولوي عبدالحق حقاني د صادقانه خدمتونو څخه د مننې ترڅنګ، د پوهنې نوي رئیس په توګه د محترم الحاج مولوي عبدالسلام شعیب د ټاکل کېدو مبارکي وویله او هغه ته یې د خپلو ورسپارل شویو دندو په ترسره کولو کې د بریالیتوب او استقامت هیله وکړه.

نوموړی ټینګار وکړ چې په اوسنیو شرایطو کې د پوهنیز نظام پراختیا ژمنتیا، تخصص او د اړوندو ادارو ترمنځ بشپړې همغږۍ ته اړتیا لري.

ورپسې د یادې ادارې پخواني رئیس محترم الحاج مولوي عبدالحق حقاني مېلمنو ته ښه راغلاست ووایه او د دې ادارې نوي رئیس ته یې مبارکي وویله او د پوهنې وزارت څخه یې د څو کلونو لپاره د دغه باور سپارلو له امله مننه وکړه.

د مراسمو په پای کې، د کابل ولایت پوهنې نوي رئیس هم د پوهنې وزارت د مشرتابه له باور څخه د مننې ترڅنګ ژمنه وکړه چې د تېرو تجربو او موجوده وړتیاوو څخه په استفادې سره به د کابل ولایت د زده‌کوونکو او ښوونکو د علمي او پوهنیز پرمختګ لپاره نه ستړې کېدونکي هڅې وکړي.

تازه خبرونه

سه‌شنبه ۱۴۰۴/۵/۲۱ - ۱۴:۵۷
Background image

پکتیکا ولایت کې د یوې لېسې د ودانۍ بنسټ ډبره کېښودل شوه

د پکتیکا ولایت پوهنې رئیس محترم مولوي عبدالوکیل خالد او د یاد ولایت د ګیان ولسوالۍ علماءکرامو او د خلکو استازو د یوې لویې غونډې په ترڅ کې، د لیستور لېسې د ودانۍ بنسټ ډبره کېښوده.

د دې. . .

سه‌شنبه ۱۴۰۴/۵/۲۱ - ۱۴:۵۳
Background image

د فاریاب ولایت پوهنې ریاست کې لارښود غونډه جوړه شوه

د پوهنې وزارت د نصاب او د ښوونکو مسلکي پراختیا لوی رئیس محترم الحاج مولوي اول ګل ایوبي په مشرۍ د فاریاب ولایت پوهنې ریاست د مختلفو څانګو د رهبرۍ او چارواکو سره د یادې ادارې په ساینس. . .

سه‌شنبه ۱۴۰۴/۵/۲۱ - ۱۴:۵۲
Background image

د کابل ولایت پوهنې نوی رئیس معرفي شو

د پوهنې وزارت د کیفیت تضمین د معین محترم الحاج مولوي عبدالخالق صادق له خوا، د یو لړ مراسمو په ترڅ کې، محترم الحاج مولوي عبدالسلام شعیب د کابل ولایت پوهنې نوي رئیس په توګه په رسمي ډول د. . .

BACK TO NEWS