د ۸ میلیونو افغانیو په ارزښت به د بیان خیلو نجونو ښوونځي ته د اریوب خیریه بنسټ له لوري ودانۍ جوړه شي

media-moe
پنجشنبه ۱۳۹۸/۴/۲۷ - ۱۰:۴۶

پوهنې وزارت_پکتیا: د پوهنې رئیس چې نن ورځ د ځاځي اریوب ولسوالۍ ته سفر درلود د بیان خیلو نجونو ښوونځي د بنسټ ډبره یې کېښوده. د یادې ودانۍ د جوړولو لګښت به د اریوب خیریه انکشافي بنسټ له لوري ورکول کیږي. د همدې بنسټ یو تن مسؤل وویل چې په دې سیمه کې د نجونو ښوونځي ودانۍ ته اړتیا درلوده نو په همدې اساس به ورته ودانۍ جوړوو.
نوموړي وړاندې وویل:
(( نوم مې فتاح ځاځی دی، د اریوب خیریه انکشافي مؤسسې مشر، دغه ودانۍ به د اتو میلیونو افغانیو په ارزښت جوړیږي چې ټولې به ۱۲ خونې ولري او دوه پوړه به وي شاوخوا څلور پنځو میاشتو کې به یې چارې پای ته ورسیږي))

ددې تر څنګ د سیمې یو تن اوسیدونکي خنان په خپلو خبرو کې وویل چې ددې ښوونځي لپاره زیاته اړتیا وه چې ودانۍ ورته جوړه شوې وئ ځکه د نوموړي په آند نجونو په ډېر سخت حالت کې خپلې زدکړې پر مخ وړلې، نو له همدې کبله یې له ټولو هغو اشخاصو خوښي او مننه کوله چې په دې برخه کې یې همکاري کړې وه.

د پوهنې رئیس استاد کوچي ځاځي په همدې مناسبت په خبرو کې وویل:
((مونږ له ټولو هغو سرچینو خصوصاً د اریوب خیریه بنسټ څخه مننه کوو چې د زده کوونکو لپاره د غوره چاپیریال برابرولو په پار ودانۍ جوړوي او مرسته کوي، له نورو تجارانو او ملي سوداګرو مو هم هیله ده چې د پوهنې دې سپیڅلي کاروان سره مرسته وکړي))

دا لومړی ځل نه دی چې د یاد بنسټ له لوري ښوونځي ته ودانۍ جوړیږي بلکې له دې وړاندې یې د ګل غوندۍ نجونو ښوونځي ته هم د پنځلس میلیونو افغانیو په ارزښت ودانۍ جوړه وه، د یاد ښوونځي ودانۍ دوه پوړیزه وه او ټولې یې ۱۳ درسي خونې درلودې.

تازه خبرونه

پنجشنبه ۱۳۹۸/۹/۲۱ - ۱۰:۹
Background image

ترکیې هیواد به ډیر ژر په جلال اباد کې د هلکانو تر څنګ دنجونو لپاره هم یوه لېسه پرانیزي

د پوهنې وزارت_ننګرهار: جلال اباد ته د ترکیې هیواد د معارف بنسټ راغلي پلاوي د بي بي حوا عالي لېسې د روان ښونیز بهیر نه د لیدنې پرمهال وویل د ترکیې هېواد د معارف بنسټ په پام کې لرې چې د. . .

پنجشنبه ۱۳۹۸/۹/۲۱ - ۱۰:۹
Background image

د لوګر د پوهنې سرپرست رئیس د پوهنې ښاري آمریت له کارکوونکو سره وکتل

د پوهنې وزارت_لوګر: د لوګر د پوهنې سرپرست رئیس نثار احمد سیدي د پل علم ښار د پوهنې ښاري آمریت له آمر او کارکوونکو سره لیدنه وکړه.
په دې لیدنه کې لومړی د پوهنې ښاري آمر او ورسره راغلو. . .

چهارشنبه ۱۳۹۸/۹/۲۰ - ۲۱:۵
Background image

پوهنې وزیر د بدخشان یمګان ولسوالۍ د ښوونې او روزنې ستونزو پر حل ژمنه ورکړه.

پوهنې وزارت- کابل: پوهنې وزیر ډاکتر محمدمیرویس بلخي د بدخشان یمګان ولسوالۍ له یو شمیر ځوانانو سره په لیدنه کې د یادې ولسوالۍ د ښوونې او روزنې ستونزو پر حل او څار ژمنه ورکړه.

دا لیدنه. . .

BACK TO NEWS