سمنګان ولایت ته د پوهنې وزارت د خصوصي زده کړو ریاست پلاوي سفر پای ته ورسېد
د پوهنې وزارت د خصوصي زده کړو ریاست پلاوى، د سمنګان ولايت د ښوونیزو بنسټونو د فعاليتونو څارنې او ارزونې وروسته اوس بېرته کابل ته راستون شو.
ياد پلاوي د خصوصي زده کړو په برخه کې د پوهنې رياست د کړنو او فعاليتونو ستاينه وکړه او د ځينو کاري تشو د ډکولو په موخه يې د پوهنې رياست مسئولينو ته لازمې لارښوونې وکړې.
د سمنګان پوهنې رئیس الحاج مولوي نصرت الله فیضاني، د خصوصي ښوونځيو د پلټنې او کنټرول په موخه، دورغلي پلاوي له سفر څخه خوښي څرګنده کړه او د یاد پلاوي له رغنده او ګټورو لارښوونو یې مننه وکړه.
په پای کې نوموړي ژمنه وکړه، چې د ښوونیز کیفیت په لا ښه والي کې به په خپل ټول توان سره هلې ځلې و کړي.
