سږ کال د میدان وردګ ولایت عامو خلکو له خوا پوهنې سره له یو مېلیون افغانیو څخه زیاته مرسته شوې
د روان (۱۴۰۳) لمریز کال له پیل راهیسې، د میدان وردګ ولایت سید آباد ولسوالۍ علم پروره خلکو، د یادې ولسوالۍ نور المشایخ لېسې سره د یو مېلیون ۳۷ زره ۱۸۱ افغانیو په اندازه مالي مرسته کړې ده.
یادې پیسې د ۶ درسي خونو سره رغولو، د لېسې شاوخوا احاطوي دېوال جوړولو، لمریزې برېښنا سیسټم او د څښاک پاکو اوبو شبکې نصبولو لپاره لګول شوې دي.
د پوهنې وزارت د هېواد د خلکو، په ځانګړې توګه د میدان وردګ پوهنې دوستو اوسېدونکو د مالي او معنوي ملاتړ څخه مننه او قدرداني کوي.
