فراه ولايت کې د دولسمو ټولګيو زده كوونكو څخه د كانكور آزمايښتي ازموينه واخيستل شوه
پوهنې وزارت، فراه: د فراه ولایت د پوهنې ریاست په نوښت او احمدشاه بابا لیسې د مشرتابه په تخنيکي مرسته د ولایت په کچه د دولتي او خصوصي ښوونځيو د دولسم ټولګيو زده کوونکو څخه د کانکور آزمايښتي آزموينه واخیستل شوه.
په دې آزموینه کې د ولایت په کچه (۸۲۹) تنه زده کوونکو ګډون کړی و، چې (۳۳۰) تنه یې نجونې وې.
د پوهنې رئیس ښاغلي وحيدالله شيراني د آزموینې ګډونوالو ته د آزموینې ارزښت او کانکور آزموینې ته د چمتوالي په هکله هراړخیز معلومات ورکړل او له ګډونوالو یې وغوښتل چې پوهنې ریاست سره په ورته نورو جوړيدونکو ښوونیزو، فرهنګي او فکري برنامو کې مرسته وکړي، همداراز په معارف کې له شته کادرونو یې د نوښتونو او لا ډیرو لاسته راوړنو غوښتنه وکړه.
