له مرکز او ولایتونو څخه د پوهنې خبرونو انعکاس

media-moe
دوشنبه ۱۴۰۲/۸/۲۹ - ۲۲:۲۵
سبی

نیمروز

د پوهنې وزارت د پلان ریاست یو پلاوي، د نیمروز ولایت له پوهنې رئیس سره د لیدنې پر مهال، د یاد ریاست د کاري پلانونو ارزونې په ترڅ کې، له مسئولینو سره د پوهنې د درې کلن ملي پلان په اړه خبرې وکړې او له هغوی یې وغوښتل، تر څو د پوهنې وزارت د درې کلن ملي پلان په اړه خپل نظرونه او وړاندیزونه مطرح کړي.

کابل

د کابل ښار پوهنې رئیس قاري عبدالباسط حقاني، د درېیمې ښوونیزې ناحیې له یو شمېر رسمي او خصوصي ښوونځیو څخه څارنه وکړه.

نوموړي د يادو ښوونځيو د اداري او تدريسي کړنو د ارزونې په ترڅ کې، د خصوصي ښوونځيو له مسئولينو وغوښتل، تر څو د خپلو ښوونځيو د فعاليت جوازونه نوي او خپل ښوونیز بهير د پوهنې وزرات د کړنلارې او نصاب له مخې تنظيم کړي.

کابل

د کابل ښار پوهنې ریاست د مشرتابه پلاوي په حضور کې، زکات خیریه بنسټ د حبیبیې لېسې پر ۲۰۰ یتیمانو او بې وزلو زده کوونکو خوراکي توکي ووېشل.

د پوهنې رئیس د یاد بنسټ له مرستو مننه وکړه او له بې وزلو زده کوونکو سره یې د دا ډول همکاریو د دوام غوښتنه وکړه.

نیمروز

د نيمروز ولايت پوهنې رياست اداري غونډه، د پوهنې رئيس مولوي ګل احمد حقاني تر څارنې لاندې د دغه رياست د آمرینو او مديرانو په ګډون جوړه شوه.

د یادې غونډې آجنډا د ښوونکو کمښت، د ښوونځیو او لیلیو څارنه، د نقلیه وسایطو ترمیم او یو شمېر نور مهم موضوعات ؤ.

ننګرهار

د ننګرهار ولايت پوهنې رئيس مفتي حبيب حضرت حقاني، چپرهار ولسوالۍ اړوند د دولت زي او دولت آباد د نجونو ښوونځيو له اداري او تدريسي چارو څخه څارنه وکړه. دغه راز نوموړي د يادو ښوونځيو د ستونزو او نيمګړتياو د حل په موخه لازمې لارښوونې وکړې.

تازه خبرونه

یکشنبه ۱۴۰۴/۶/۹ - ۱۵:۵۳
Background image

په غزني ولایت کې د ۲ بابه ښوونځیو زده‌کوونکي د څښاک پاکو اوبو له اسانتیاوو برخمن شول

د غزني ولایت اندړو ولسوالۍ اړوند په پناه منځني ښوونځي او علي هجوري عالي لېسه کې، د ښوونځیو شوراګانو په همکارۍ د څښاک پاکو اوبو دوه څاګانې تر کیندلو وروسته ګټې اخیستنې ته وسپارل شوې.

د. . .

یکشنبه ۱۴۰۴/۶/۹ - ۱۵:۵۲
Background image

تطبیق امتحانات معیاری از سوی هیئت وزارت معارف در ولایت پروان

هیئتی ریاست ارزیابی نتایج و امتحانات معیاری وزارت معارف، به ولایت پروان سفر نموده و با مسئولین معارف آن ولایت دیدار و گفتگو نمود.

این هیأت قرار است در ۵۳ باب مکتب آن ولایت، امتحانات. . .

یکشنبه ۱۴۰۴/۶/۹ - ۱۵:۵۰
Background image

د پروان ولایت یوې لېسې ته درسي کتابونه توزېع شول

یوې خیریه ادارې چې د پوهنې سره کار کوي، د پروان ولایت سیدخېل ولسوالۍ اړوند د ظابط قاسم لېسې زده‌کوونکو ته د مختلفو مضامینو ۵۶۷ ټوکه درسي کتابونه ځانګړي کړل.

چارواکو په خپلو ویناوو کې. . .

BACK TO NEWS