لوګر ولایت کې د نجونو یوه ښوونځي ته ودانۍ جوړه شوه
پوهنې وزارت، لوګر: د لوګر ولایت برکي برک ولسوالۍ کې د شیخ حسن د نجونو لومړني ښوونځي نوې جوړه شوې ودانۍ ګټې اخیستنې ته وسپارل شوه.
د یاد ښوونځي پرانیستغونډه کې د پوهنې ریاست چارواکو تر څنګ، قومي مشرانو، ښوونکو او زده کوونکو هم ګډون درلود.
د نوموړي ښوونځي ودانۍ د اقراء پروګرام لخوا جوړه شوې، چې لس ټولګي، دوه اداري خونې، د اوبو څاه او ۵ غرفې تشنابونه لري، چې په جوړېدو سره یې (۶۰۰) نجونو زده کوونکو ته د زده کړو خوندي چاپیریال برابر شو.
