په غزني ولایت کې د ۲.۳ مېلیونه افغانیو په لګښت د یو باب ښوونځي نوې ودانۍ جوړه شوه
د پوهنې وزارت د پلان او پالیسۍ له مخې د هېواد ټولو سیمو ته د ښوونیزو مرکزونو د پراختیا او رغونې په موخه، دا ځل د غزني ولایت جغتو ولسوالۍ اړوند د ترګان په دره کې د یو باب ښوونځي نوې ودانۍ جوړه او ګټې اخیستنې ته وسپارل شوه.
دغه ښوونځی د ۲.۳ مېلیونه افغانیو په لګښت جوړه شوی، چې له اړینو ملحقاتو سره ۶ درسي ټولګي لري او مالي لګښت یې د سیمې د خلکو لخوا ورکړل شوی دی.
د پوهنې وزارت رهبري له ټولو علم پروره هېوادوالو، په ځانګړې توګه د ترګان درې د خلکو له ملاتړ څخه مننه کوي.
