په لوګر کې کوچیان ماشومانو ته دوه ځانګړي ښوونځي تاسیس شول

media-moe
سه‌شنبه ۱۳۹۹/۱۲/۵ - ۱۳:۳۶
تآسیس دوباب مکتب برای اطفال کوچی ها در ولایت لوگر

د پوهنې وزارت، لوګر: د لوګر ولایت په مرکز پل علم او بر کي برک ولسوالۍ کې د کوچیان ماشومانو لپاره د نجونو او هلکانو دوه نوي لومړني ښوونځي تاسیس شول.

یاد ښوونځي د کوچیانو مشرانو په غوښتنه د پوهنې ریاست په هلو ځلو د پوهنې وزارت تر منظورۍ وروسته فعال شول.

په تاسیس شویو ښوونځیو کې په مرکز پل علم د صدیق خیلو په سیمه کې د میرعلم او د بر کي برک ولسوالۍ د دڼي په کلي کې د عمران خیلو په نومونو ښوونځي شامل دي .

د نوموړو دواړو ښوونځیو په تاسیسولو سره ۴۰۰ کوچیانو ماشومانو ته د زده کړو ویلو زمینه برابره شوه چې ۲۰۰ یې نجونې دي.

د لوګر د پوهنې رئیس سید عزیز احمد هاشمي د نوموړو ښوونځیو پر تاسیس خوښي څرګندوي او په یادو سیمو کې مېشت د کوچیانو له مشرانو غوښتنه کوي، چې خپل ماشومان په تاسیس شویو ښوونځیو کې شامل کړي.

هغه زیاته کړه، چې په راتلونکې به د وزیر کلاه په سیمه کې د کوچیانو ماشومانو لپاره یو بل ځانګړی ښوونځی هم تاسیس شي.

د یادونې وړده، چې په لوګر کې دا مهال د کوچیانو ماشومانو لپاره د یوې لېسې په ګډون ۱۶ ځانګړي ښوونځي شتون لري.

تازه خبرونه

پنجشنبه ۱۳۹۹/۱۲/۱۴ - ۱۳:۲۳
Background image

د ننګرهار ولایت په بهسودو ولسوالۍ کې یوه ښوونځي ته نوې ودانۍ جوړه شوه.

د پوهنې وزارت، ننګرهار: د ننګرهار ولایت په بهسودو ولسوالۍ کې، دامان ښوونځي ته نوې ودانۍ جوړه او د یو لړ مراسمو په ترڅ کې پرانیستل شوه.

په هغې غونډې کې چې په همدې موخه جوړه شوې وه، د. . .

پنجشنبه ۱۳۹۹/۱۲/۱۴ - ۱۳:۱۰
Background image

د پکتیا ولایت په مرکز او څمکنیو ولسوالۍ کې د سواد زده کړې ښوونځي پرانېستل شول

د پوهنې وزارت، پکتیا : د پکتیا ولایت په څمکنیو ولسوالۍ کې د سواد زده کړې ښوونځی د یاد ولایت د پوهنې رئیس استاد کوچي ځاځي لخوا په داسې حال کې، چې د یادې ولسوالۍ ولسوال، امنیې قوماندان،. . .

پنجشنبه ۱۳۹۹/۱۲/۱۴ - ۱۱:۳۹
Background image

غزني ولایت کې دوو ښوونځیو ته ودانۍ جوړې او ګټې اخیستنې ته وسپارل شوې

پوهنې وزارت،غزني: غزني ولایت کې مرکز پورې اړوند، د وزیرآباد او احمدآباد په نومونو دوو ښوونځيو ته ودانۍ جوړې شوې

د یادو ښوونځیو ودانۍ د نړیوال بانک په مالي مرسته د ۱۷ میلیونه او ۳۸۷ زره. . .

BACK TO NEWS