په هرات ولایت کې د دوو ښوونځیو نوې ودانۍ پرانیستل شوې
د هرات ولایت کشک رباطسنګي ولسوالۍ د نجونو او چپلقل ښوونځيو نوې ودانۍ د یوې غونډې په ترڅ کې، چې د پوهنې رئیس مولوي محمد رحماني، یو شمېر دیني علماءکرامو، قومي مشرانو او د یادې ولسوالۍ اوسېدونکو په ګډون جوړه شوې وه، افتتاح او ګټې اخیستنې ته وسپارل شوې.
یادې دواړه ودانۍ د يو همکار بنسټ لخوا د ۱۲۱ زره امریکايي ډالرو په مجموعي لګښت جوړې شوې دي، چې هره یوه یې ۶ درسي ټولګي او یوه اداري خونه لري.
د دغو نویو ودانیو په جوړېدو سره به د یادو ښوونځیو سلګونو زدهکوونکو ته د زدهکړې مناسب، خوندي او معیاري چاپېریال برابر شي او د ښوونیزو خدمتونو د کیفیت په ښه والي کې به مهم رول ولوبوي.
