په خوست کې د هیواد د خپلواکۍ سلمه کلیږه ولمانځل شوه
د پوهنې وزارت_خوست: دخو ست ولایت اسمعېل خېلو مندوزیو ولسوالۍ اړوند د ټولو ښوونځیو زده کوونکو د خپلواکۍ سلمه کالیزه د یادې ولسوالۍ دڅړبڼ لېسې په انګړ کې ونمانځله.
په یادو مراسمو کې د خوست د پوهنې رئیس نصیر احمد روښان سربېره د ولسي جرګې غړي انجینر هلمند هلمند، ولسوال محمد اکبر ځدران د سیمې قومي مشرانو، د مختلفو لېسو زرګونه زده کوونکو، ښوونکو او د علم مینه والو ګډون والو برخه اخیستې وه.
پوهنې رئیس مراسمو ته په خپله وینا کې د خپلواکۍ ساتنې او د زده کوونکو ته د وطن پالنې په باب وویل پر هر زده کوونکي فرض دی چې د رښتنې خپلواکۍ د رسیدو لپاره مسلکي روزنه ترلاسه او خپل ملي ارزښتونه وساتي.
غونډې ته په وینا کې انجینر هلمند وویل، چې موږ او ستاسو به ددې هېواد خپلواکي د قلم پر زور ساتو او کوشش به کوو څو ځوان او نوی نسل ته دې معیاري او عصري زده کړو زمینه برابره کړو. هغه د پوهنې ریاست وروستۍ هڅې پدې وستایلې چې زده کوونکو کې یې د وطن پالنې او د ملي ارزښتونو د ساتنې شعور ویښ او پیاوړی کړی دی. وروسته زده کوونکو په ترانو، شعرونو، تمثیلي ټوتو او مقالو کې د خپلواکۍ په اړه خپل احساسات او نظریات وړاندې کړل.
تر څنګ د سیمې یو شمیر قومي مخورو مشرانو او یو شمېر ځوانانو خبرې وکړې او په خپلو خبرو کې یې د خپلواکۍ ارزښت بیان کړ.
غونډه د زده کوونکو په رسمي ګذشت سره پای ته ورسیده.
