زابل کې د ۱۰ بابه ښوونځيو نوې ودانۍ پرانېستل شوې
د پوهنې وزارت، زابل: د زابل ولایت په پنځو ولسوالیو کې د ۱۰ بابه ښوونځيو نوې ودانۍ د یو لړ مراسمو په ترڅ کې ګتې اخېستنې ته وسپارل شوې.
د یادو ښوونځيو ودانۍ په پاخه او اساسې ډول د ولسې تړون اقرأ پروژې له لوري د ۴۸ میلیونو افغانیو په مجمو عي لګښت د شاجوي، ارغنداب، شینکۍ، میزانه او شهر صفا په ولسوالیو کې جوړې شوي دې چي په مجموع کې ۷۰ درسې خونې او نورې اړېنې ښوونیږي آسانتیاوې لري، چي له جوړېدو او پرانېستو سره یې د یادې سیمو ۳۷۰۰ زده کوونکو ته د زده کړو خوندي درسي چاپېریال برابر شو.
د زابل د پوهنې رییس نصرالله زاهد د یادو ښوونځيو پر جوړولو خوښي څرګنده کړه او د ښوونځيو له ښوونکو، زده کوونکو او د سیمې له اوسېدونکو یی وغوښتل، چې د ودانیو ساتنې ته ځانګړې پاملرنه وکړي.
