د پوهنې وزارت د اسلامي تعلیماتو معین د امام ابوحنیفه رحمه الله له عالي دارالعلوم څخه لیدنه وکړه
(یکشنبه، ۲۵/۱۲/۱۴۴۳هـ ق-۲/۵/۱۴۰۱هـ ش)
د پوهنې وزارت د اسلامي تعلیماتو معین الحاج مولوي کرامت الله اخندزاده، په داسي حال کې چې د یاد وزارت د دارالعلومونو رئیس مولوي عبدالقدوس هم ورسره ملګری وو، د امام ابوحنیفه رحمه الله د عالي دارالعلوم د څلورنیم میاشتنۍ ازموینې له صحنې څخه لیدنه وکړه. نوموړي په دې لیدنه کې د یاد دارالعلوم دفتر، درسي ټولګي، استادان، زده کوونکي او د ازموینې صحنه له نږدې ولیده، د استادانو او زده کوونکو ستونزې یې واورېدلې او له هغوی سره یې د ستونزو د حل ژمنه وکړه.
