په نیمروز ولایت کې د سویې د تثبیت آزموینه واخیستل شوه
په نیمروز ولایت کې د افغانستان.ا.ا. له ۹۸ تنو م.جاهدینو څخه د سویې د تثبیت آزموینه واخیستل شوه.
د یاد ولایت پوهنې رئیس الحاج مولوي ګل احمد حقاني وویل، د دغه آزموینې نوماندان د جهادي فعالیتونو له امله د خپلو زده کړو څخه پاتې شوې وو، چې اوس ورته د زده کړو آسانتیا برابره شوې ده او غواړي خپلې نیمګړې زده کړې بشپړې کړي.
دغه راز نوموړي له اشغال څخه د هېواد په آزادولو کې د م.جاهدینو له سرښندنو ستاينه وکړه او هغوى يې د ديني او عصري علومو زده کړې ته وهڅول.
د آزموینې ګډون والو هم د دوی لپاره د زده کړو د آسانتیاوو په برابرېدلو خوښي څرګنده کړه او له نورو هېوادوالو يې وغوښتل، چې له شته فرصتونو څخه په استفادې د ديني او عصري علومو په برخه کې خپلو زده کړو ته دوام ورکړي.
