په پروان ولایت کې د یو باب ښوونځي ودانۍ پرانیستل شوه
د پروان ولایت پوهنې رئیس مولوي سید محمد فیضي، د یاد ولایت شیخ علي ولسوالۍ اړوند په پاواز کلي کې د یو باب ښوونځي نوې ودانۍ پرانیسته.
د ښوونځي دغه نوې ودانۍ چې ۱۲ درسي ټولګي، یوه دفتري خونه له ټولو اړینو ملحقاتو سره لري، د يادې ولسوالۍ د اوسېدونکو له خوا د ۵ مېليونه افغانيو لګښت سره جوړه شوې ده.
د سيمې خلکو د خپلو ماشومانو لپاره د ياد ښوونځي پر جوړېدو خوښي وښوده او په دې برخه کې يې د پوهنې وزارت مشرتابه له پاملرنې او همکارۍ مننه وکړه.
د پوهنې وزارت رهبري د یادې ولسوالۍ د خلکو له مرستې او ملاتړ څخه مننه کوي.
