په کاپیسا ولایت کې عامو خلکو له پوهنې سره مرسته کړې
د کاپیسا ولایت په تعلیمي ادارو کې د زدهکوونکو لپاره د ښوونیز کیفیت لاښه والي او د تعلیمي اسانتیاوو برابرولو لپاره، د یاد ولایت یو شمېر علم پروره اشخاصو له ښوونیزو مرکزونو سره ۷۷ زره ۹۹۰ افغانۍ نغدي مرسته کړې ده.
د پوهنې چارواکو د څرګندونو پر بنسټ، دغه مرسته د درسي خونو د ترمیم او رنګولو او د اوبو رسولو سیسټم فعالولو په څېر برخو کې لګول شوې ده.
د پوهنې وزارت مشرتابه د هېواد د تعلیمي سیسټم سره د خلکو له همکارۍ څخه مننه څرګنده او د پوهنیزنظام پیاوړتیا لپاره یې د خلکو د دوامداره ملاتړ او همکارۍ غوښتنه وکړه.
